Sot në një takim të nivelit të lartë mes Shqipërisë dhe Turqisë, u nënshkruan më shumë se gjashtë marrëveshje dhe memorandume për të thelluar bashkëpunimin në fusha të ndryshme.

Këto janë:

1. Memorandum Mirëkuptimi për bashkëpunim në fushën e mjedisit mes Ministrisë së Turizmit dhe Mjedisit të Republikës së Shqipërisë dhe Ministrisë së Mjedisit, Urbanizimit dhe Ndryshimeve-Klimatike të Republikës së Turqisë.

2. Memorandum Mirëkuptimi për menaxhimin e qëndrueshëm të pyjeve dhe zonave të mbrojtura mes Ministrisë së Turizmit dhe Mjedisit të Republikës së Shqipërisë dhe Ministrisë së Bujqësisë dhe Pyjeve të Republikës së Turqisë.

3. Marrëveshje mbi statusin e zyrës së koordinimit të programit TIKA Tirana ndërmjet KM të RSH dhe Qeverisë së Republikës së Turqisë.

4. Marrëveshje kuadër ushtarake ndërmjet Këshillit të Ministrave të Republikës së Shqipërisë dhe Qeverisë së Republikës së Turqisë.

5. Memorandum Mirëkuptimi në Fushat e Medias dhe Komunikimit për komunikimin dhe informimin publik ndërmjet Qeverisë së RSH dhe Qeverisë së Republikës së Turqisë.

6. Protokoll Bashkëpunimi midis Korporatës Turke të Radio Televizionit dhe Radio Televizionit Shqiptar.

Këto marrëveshje dhe memorandume përforcojnë lidhjet ndërmjet dy vendeve në shumë aspekte të jetës së tyre kombëtare dhe ndërkombëtare dhe janë një hap drejt bashkëpunimit të mëtejshëm dhe zhvillimit të qëndrueshëm.