Vetëm 8 minuta nervozizëm shpërthyes mund të rrisin ndjeshëm rrezikun e një ataku kardiak. Madje, edhe thjesht kujtimi i një ngjarjeje që ka shkaktuar zemërim dhe irritim mund të dëmtojë muret e enëve të gjakut. Ndër të gjitha gjendjet emocionale të forta, shpërthimet e zemërimit, trishtimi dhe ankthi ulin ndjeshëm funksionalitetin e qarkullimit të gjakut.

Grupi kërkimor ka vërtetuar përmes monitorimit të organizmit në gjendje emocionale se irritimi shpërthyes shkakton një rënie të lartë të kapacitetit të zgjerimit të enëve të gjakut, një efekt që zgjat rreth 40 minuta. Episode të përsëritura të emocioneve negative mund të ndikojnë në fiziologjinë kardiovaskulare, duke vonuar ripërtëritjen dhe duke krijuar dëme të parikuperueshme.