Seanca e sotme parlamentare u karakterizua nga tensione të dukshme pasi kryeministri Edi Rama i dha fjalën ministres së re të Inteligjencës Artificiale, Diella. Ky vendim shkaktoi reagime të forta nga opozita, e cila protestoi duke krijuar zhurmë në sallë dhe penguar rrjedhën normale të debatit.

Gjatë seancës pati shkëmbim dialogu mes kryetarit të Kuvendit dhe kryeministrit:
Peleshi: “Vërejtje për zotin Balliu dhe Bardhi.”
Rama: “Nëse nuk do të lejoni që debati të bëhet normal, do të kalojmë në proces votimi Fahri.”
Peleshi: “Do heq të drejtën e fjalës për deputetët që shkelin për herë të 3 rregulloren. Balliut i hiqet e drejta e fjalës gjithë ditën e sotme.”

Ngjarjet e sotme reflektuan tensionet mes shumicës dhe opozitës, ndërsa seanca vazhdon me diskutime për çështje ligjore dhe politike.