Kryeministri izraelit, Benjamin Netanyahu, ka hedhur poshtë akuzat e OKB-së për mungesën e ndihmave humanitare në Rripin e Gazës, duke deklaruar se furnizimet “minimale” janë lejuar edhe gjatë luftimeve.

Në një deklaratë video, Netanyahu theksoi se Izraeli do të vazhdojë operacionet ushtarake kundër Hamasit, por gjithashtu do të lejojë kalimin e ndihmave për popullsinë civile.

“Ka rrugë të sigurta. Gjithmonë ka pasur, por sot është zyrtare. Nuk do të ketë më justifikime,” tha Netanyahu gjatë një vizite në një bazë ajrore, duke iu përgjigjur kritikave të OKB-së për krizën humanitare në Gaza.

Ai e mbylli deklaratën duke theksuar se objektivat e Izraelit mbeten të pandryshuara:
“Ne do të vazhdojmë të luftojmë dhe do të vazhdojmë të veprojmë derisa të arrijmë të gjitha qëllimet tona të luftës – deri në fitoren e plotë,” tha kryeministri izraelit.