Jerusalemi – Kryeministri izraelit, Benjamin Netanyahu, ka deklaruar se konflikti në Gaza mund të përfundojë menjëherë nëse Hamasi dorëzon armët dhe liron 50 pengjet e mbetura. Megjithatë, ai paralajmëroi se ofensiva izraelite për të marrë nën kontroll qytetin e Gazës do të vazhdojë, pavarësisht nga marrëveshjet për lirimin e pengjeve.

Netanyahu e përshkroi bastionin e fundit të Hamasit si një pengesë kryesore për arritjen e një paqeje të qëndrueshme, duke shtuar se eliminimi i organizatës është thelbësor për sigurinë e izraelitëve dhe të palestinezëve.

“Ne do ta marrim qytetin e Gazës. Nuk ka pasur kurrë dyshim se do ta largojmë Hamasin,” tha Netanyahu, duke cituar edhe ish-presidentin amerikan Donald Trump: “Hamasi duhet të zhduket nga Gaza.”

Kryeministri izraelit shtoi se qëllimi i operacionit është lirimi i pengjeve, çarmatosja e Hamasit dhe çmilitarizimi i Gazës, për t’u siguruar qytetarëve të Gazës një të ardhme më të sigurt. Ai gjithashtu paralajmëroi se lufta është zhvilluar në shtatë fronte, duke përfshirë edhe ndikimin e Iranit dhe përfaqësuesve të tij në rajon.

Situata mbetet tensionuar, ndërsa komuniteti ndërkombëtar vazhdon të bëjë thirrje për armëpushim dhe për mbrojtjen e civilëve.