Kryeministri i Izraelit, Benjamin Netanyahu, ka urdhëruar nisjen e menjëhershme të negociatave të drejtpërdrejta me Liban, në një përpjekje për të ulur tensionet mes dy vendeve.

Sipas deklaratës së tij, ky vendim vjen pas kërkesave të përsëritura nga pala libaneze për hapjen e një dialogu zyrtar, me synim adresimin e çështjeve të sigurisë dhe stabilitetit në kufi.

Negociatat pritet të fokusohen kryesisht te çarmatosja e grupit Hezbollah dhe krijimi i një kuadri për marrëdhënie më paqësore mes dy vendeve.

Nga pala libaneze, zyra e presidentit Joseph Aoun nuk ka dhënë ende një reagim zyrtar mbi nismën e shpallur nga Tel Avivi.

Ndërkohë, situata në rajon mbetet e brishtë, ndërsa Iran ka paralajmëruar më herët se mund të reagojë në rast të përshkallëzimit të sulmeve ndaj Libanit, duke e lidhur qëndrimin e tij me zhvillimet e fundit të armëpushimit dhe balancave të sigurisë në rajon.