Partia Socialiste do të depozitojë sot një kallëzim penal në SPAK për atë që e cilësojnë një provë te re për ngjarjen e 21 janarit.

Ky fakt u bë i ditur nga sekretari i përgjithshëm i Partisë Socialiste , Damain Gjiknuri. Ai i bëri thirrje SPAK që të marrë në shqyrtim këtë provë të re dhe të vërë para përgjegjësisë autorët që dhanë urdhrin për vrasjen e 4 qytetarëve.

“I bëjmë thirrje prokurorisë që t’i marrë në shqyrtim provat e reja. S’ka gjë më të rëndë se vrasja e qytetarëve. Çdo akuzë duhet zbardhur, aq më tepër kur qytetarët vriten nga shteti. Sot do të depozitojmë këtë kallëzim penal. Ish-ministri i Brendshëm dhe ish-kryeministër, ata duhet të zgjidhin këtë faj. Ata janë bashkëpunëtor në një krim që s’duan të zbulohet. Ky fakt i ri i ka të gjitha mundësitë për të vënë këtë çështjes në dispozicion të prokurorisë.

Sot bëhen 5 ditë që opinioni publik u njoh me fakte të reja. Përmban të dhëna për fakte të reja që nuk i janë nënshtruar ndonjëherë hetimeve. Dallohet qartë se janë dhënë urdhëra. Faktorët janë në audio se vrasjet janë kryer me dashje dhe jo nga pakujdesia. Përfshirja e Bashës rezulton e provuar, krijon dyshime se ndërhyrja e tij është bërë me porosi për të zbatuar urdhërin e Berishës,” u shpreh Gjiknuri.