Dalin detaje në lidhje me vrasjen që trondit mbrëmë Shkodrën, ku një 53-vjeçar vrau me armë zjarri motrën e tij. Ngjarja ndodhi mbrëmë në lagjen ‘Ndoc Mazi’.

Dyshohet se Fabian Vuka akuzohet se ka vrarë motrën e tij, 58-vjeçaren Diana Vuka, e cila prej vitesh ishte emigrante në Gjermani, ndërsa ishte kthyer vetëm dy ditë më parë. Ajo kishte humbur kontaktet me familjarët prej dy ditësh dhe këta të fundit e kishin denoncuar në polici. Pas marrjes së denoncimit, policia ka mbërritur në banesë dhe e ka gjetur të vdekur Diana Vukaj, ndërsa kanë bërë arrestimin e vëllait të saj si autor të dyshuar.

Ka qenë pastruesja e cila ka njoftuar policinë për humbjen e kontaktit me 58-vjeçaren.Mësohet se ai e ka kryer ekzekutimin e të motrës me armë zjarri tip silenciator në dhomën e saj të gjumit.

Në një komunikim për mediat, policia tha se viktima ishte gjetur e pajetë në dhomën e saj të gjumit.

Paraprakisht, autori i dyshuar ndodhet në kushte depresioni, ndërsa thuhet se është një person me probleme me alkoolin.

“Rreth orës 22:30 sonte në sallën operative është marrë një telefonatë që shtetasja Diana Vukaj ka dy ditë që ka humbur kontaktet me njerëzit e saj . kemi organizuar shërbimet, verifikimi i parë në banesë ku është gjetur e pajetë e moshës rreth 60 vjec. Menjëherë është ushtruar kontroll dhe në rrethinat pranë është kapur dhe ndaluar vëllai i saj Fabian Vukaj rreth 56 vjeç. Ngjarja është e rëndë. Diana Vukaj është emigrante është kthyer nga Gjermania para tre ditësh. Vrasja është kryer me armë zjarri. Kufoma është brenda në banesë në dhomën e gjumit të saj. Paraprakisht është autor i dyshuar është në kushte depresione në gjendje të alkoolit,” deklaroi shefi i policisë.

Mësohet se vëlla e motër ishin të pa martuar.