Policia në Danimarkë e ka mbajtur një konferencë të re për shtyp, të hënën, në lidhje me të shtënat në Field’s, ku ka pasur edhe viktima e sulmuesi besohet të ketë probleme psiqike.

Søren Thomassen, kryeinspektori i policisë në Policinë e Kopenhagës, ka thënë se asgjë nuk tregon për një motiv terrorist.

I arrestuari, 22 vjeçar me sa duket ka vepruar i vetëm, raporton jyllands-posten, ndërkohë që Policia beson se këto janë viktima të rastësishme pa dallim race apo gjinie.

22-vjeçari i arrestuar për rastin ishte i njohur paraprakisht në psikiatri dhe i njohur edhe për policinë.

I arrestuari kishte një pushkë dhe një thikë.

Janë 3 të vrarë nga ky sulm dhe 4 të plagosur rëndë, pasi danezi 22 vjeçar përdori armë zjarri.

“Viktimat janë një 17-vjeçar danez, në vajzë daneze 17-vjeçare një 47-vjeçar me nënshtetësi ruse me banim në Danimarkë.

Ndërkohë janë shfaqur disa pamje që thuhet se tregojnë momentin kur personi i armatosur “shëtiste” nëpër qendrën tregtare në Danimarkë me një pushkë të vendosur mbi supe, para se të vriste kalimtarët e pafajshëm në një akt tronditës.