Një ngjarje e rëndë ka ndodhur sot në Greqi, ku një 20-vjeçare nënë e një fëmije të mitur ka humbur jetën, pas dhunës së ushtruar nga disa persona që hynë në banesë dhe grabitën një sasi të konsiderueshme parash.

Sipas informacionit të parë, nëna e një foshnje 11-muajshe u gjet e mbytur, ndërsa burri i saj 32-vjecar i prangosur në një karrige. Në momentin e grabitjes, në banesë ishte dhe foshnja 11-muajshe e çiftit, e cila fatmirësisht është në gjendje të mirë shëndetësore.

Siç raportojnë mediat greke, me shumë gjasa, autorët e krimit fillimisht e lidhën burrin dhe më pas po i bënin presion gruas për të treguar se ku ishin paratë ose bizhuteritë e saj, dhe më pas e mbytën, ndërsa ata varën edhe qenin e familjes. Ende nuk dihet nëse ajo është abuzuar seksualisht, ndërsa dyshohet se e reja të jetë mbytur duke përdorur jastëkun. Mësohet se grabitësit kishin hyrë në banesë nga dritareje të vogël në katin përdhes.

Sipas informacionit, burri i viktimës 20-vjeçare arriti të zvarritet deri tek telefonin i tij për të lajmëruar policinë për krimin brutal që kishte ndodhur.Autorët së pari e vranë qenin që të mos lehte dhe e varën në kangjella. Sipas raportit të policisë, tre autorë, të maskuar me kapuç, hynë në shtëpi në orët e para të mëngjesit dhe po kërkonin para dhe bizhuteri. Sipas ERT, burri i gruas fatkeqe, me profesion pilot, dëshmoi në polici se në shtëpi kishte shumën prej 10,000 euro, e cila u grabit nga autorët e krimit. Foshnja u dërgua në spital, ku u gjet se ishte mirë me shëndet dhe më pas u kthye me të afërmit në Glyka Nera.