Një ngjarje tragjike është raportuar mbrëmjen e sotme në fshatin Pjezë të Shijakut, ku një 35-vjeçar, banues në Tiranë, dyshohet se i ka dhënë fund jetës duke u vetëvarur në një pemë pranë rrugës. Policia e Durrësit ka bërë të ditur se trupi i shtetasit E. Sh. është gjetur rreth orës 19:00.

Ermali Saliu, 35-vjeçari qe kerkohej nga familjarët, per fat te keq eshtë gjetur i pajete ne fshatin Pjezë, Shijak, pas disa orësh kerkimesh nga familjarët dhe autoritetet. Saliu, i cili ishte shpallur ne kërkim pasi ishte larguar nga banesa të martën në mëngjes, është gjetur rreth orës 19:00 të mbrëmjes së sotme.
Sipas informacionit të dhënë nga familjarët, Ermali ka dalë nga shtëpia dje rreth orës 8 te mëngjesit dhe është parë për herë të fundit te rruga “Endri Keko” në Tiranë, perballë një pastiçerie. Ai mbante veshur një xhup të zi, tuta sportive dhe atlete të bardha. Familjarët kishin kërkuar ndihmën e qytetarëve per ta gjetur, duke dhënë një numër telefoni per çdo informacion.
Sipas uniformave blu, trupin e tij e kanë gjetur në fshatin Pjezë, dhe hetimet paraprake dyshojne për një vetëvrasje. Grupi hetimor eshtë në vendngjarje dhe po punon per te sqaruar rrethanat e ngjarjes. Dyshohet se ai ka pasur probleme te shëndetit mendor, sipas deklaratave te familjarëve.

Sipas deklaratës së familjarëve, i ndjeri vuante nga probleme të shëndetit mendor dhe ishte shpallur në kërkim nga Komisariati i Policisë Nr. 4 pas kallëzimit për largimin e tij nga banesa disa ditë më parë.

Grupi hetimor ndodhet në vendngjarje dhe po punon për zbardhjen e rrethanave të plota të ngjarjes. Ende nuk ka detaje të tjera mbi motivet apo shkaqet që mund të kenë çuar 35-vjeçarin drejt këtij akti tragjik.

Ngjarje të tilla tragjike ngrenë shqetësimin mbi rëndësinë e kujdesit dhe mbështetjes për personat që vuajnë nga probleme të shëndetit mendor. Institucionet dhe komuniteti mbeten të thirrur për të ofruar ndihmë dhe për të parandaluar humbje të tilla jete në të ardhmen.