Policia e Sarandës ka reaguar dhe është angazhuar në hetimet e ngjarjes së rëndë në Xarrë, ku është gjetur një mbetje kockore humane, e cila ende kishte inde dhe ishte në proçes dekompozimi.

Sipas burimeve, sot do të kërkohet për pjesët e tjera të trupit për të bërë një identifikim të plotë.

Mbetjet janë dërguar në Institutin e Policisë Shkencore për ekzaminime të mëtejshme.

Grupi hetimor është në punë për të identifikuar personin e cilit i përkasin këto mbetje kockore dhe për të dokumentuar rastin në mënyrë të plotë.