Një ngjarje e rëndë ka ndodhur në Shtëpinë e Bardhë ku qeni i presidentit amerikan Joe Biden ka kafshuar një agjent të Shërbimit Sekret. Incidenti ndodhi më 12 shkurt të vitit të kaluar në kopshtin Kennedy gjatë një shëtitjeje me presidentin. Agjenti, i cili po afrohej për ta ndihmuar presidentin, u sulmua dy herë nga qeni. Edhe pse agjenti nuk pësoi lëndime të rënda fizike, palltoja e tij u dëmtua nga kafshimet. Këto detaje janë zbuluar nga dokumentet e siguruara nga ABC News.

Në dokumente, agjenti ka deklaruar: “Ndërsa po ecja në drejtim të tij për t’u siguruar nëse ka nevojë për ndihmë, qeni vrapoi dhe më kafshoi, e largova menjëherë dorën dhe thash jo. Ai sërish mu vërsul dhe më kafshoi për herë të dytë.” Incidenti ka shkaktuar shqetësim në Shërbimin Sekret dhe është trajtuar sipas protokolleve të sigurisë për kafshët në rezidencën presidenciale.