Një ngjarje e rëndë ka ndodhur pasditen e sotme në lagjen Zim Zenel të qytetit të Krujës, ku 45-vjeçari Arjan Alushi (Balla) ka humbur jetën tragjikisht. Sipas burimeve, Alushi ishte duke tentuar të mblidhte fiq nga një pemë në lagjen e tij, kur u godit fatalisht nga një rrymë elektrike.

Pema ishte elektrizuar nga kabujt e vendosur nga firmat private të internetit, të cilat, sipas burimeve, kishin ndërhyrë në rrjetin e shpërndarjes së OSHEE-së pa ndjekur normat dhe kriteret e duhura. Ky incident tragjik ngre shqetësime të mëdha për sigurinë dhe ndërhyrjet e papërgjegjshme në infrastrukturën publike.