Ka nisur sot mbledhja e përbashkët e Këshillit për Legjislacionin dhe Komisionit për Çështjet Ligjore, Administratën Publike dhe të Drejtat e Njeriut, në lidhje me ndryshimet kushtetuese.
Në mbledhjen, e cila ishte parashikuar të mblidhej sot, nuk janë paraqitur deputetët e PD-së.
Në rendin e ditës së sotme ishte shqyrtimi i nismës së Partisë Socialiste për shtyrjen e afateve të vetingut.
I ftuar në Këshill në rolin e ekspertit nga fusha akademike, ishte ish-ministri socialist i Financave, Arben Malaj, i cili shprehu rezerva në lidhje me procesin e vetingut, edhe pse ai është i propozuar nga partnerët strategjikë të Shqipërisë.
Ish-ministri Arben Malaj, tha se modeli i vettingut në drejtësi i implementuar në Shqipëri është një novacion shqiptar, i pa përsëritur sipas tij nga asnjë vend tjetër i botës.
Gjithashtu ai u pozicionua kundër ndryshimeve të shpeshta në Kushtetutën e një shteti edhe kur ato janë emergjente.
Ne si ekonomistë ndahemi në dy grupe, në ato që fokusohen te sektorët dhe ekonomistë që e shohin zhvillimin e vendit te sistemi ligjor. Më vjen keq të them se modeli që është gjetur për vettingun është novacion shqiptar, pavarësisht është kërkuar nga partnerët strategjikë. Unë dua të them rastin e Gjeorgjisë, ku qeveria përfshiu në kushtetutë faktin që vendi nuk do të kishte më ngritje taksash. Kjo garanci kushtetuese jo vetëm që nuk i shërbeu, por dëmtoi atë. E vetmja gjë ndodhi dhe në jetën tonë parlamentare, ku u ndryshua sistemi zgjedhor dhe ne sot jemi në kritikën e ndërkombëtare sepse ndryshimi në 2008 u fuqizua modeli oligarkik partiak.
Nëse flasim për shumicat në vitin 2016 ishin 140 deputetë që gjetën mirëkuptimin të dekirminalizoheshin. Kjo pjesë e vettingut të dalë si syth i kushtetutës dhe t’i bashkohet drejtësisë. Shqetësimi kryesor është që kjo reformë të jetë efektive, duket se nuk i ka arritur objektivat. Unë mendoj që të ketë një vendimmarrje sa më të mirë dhe do të ishte mirë që problem duhet shikuar më integral. Mund të gjendemi në faktin se a duhet shtyrë apo jo afati”, tha Malaj.
