Ka nisur sot në Gjykatën e Tiranës seanca ndaj tre kontrolloreve të “Albcontrol”, Flora Ndreca, Armando Fezga dhe Muhin Mezini, që braktisën punën duke pezulluar për 24 orë fluturimet në Rinas.

Prokuroria e Tiranës ka dërguar një ditë më parë në Gjykatë kërkesën ndaj tre kontrollorëve, ku ndaj Flora Ndrecës ka kërkuar masën “arrest shtëpie”, ndërsa për dy të tjerët ka kërkuar “arrest me burg”.

Organi i akuzës ka ngritur akuzën e shpërdorimit të detyrës kryer në bashkëpunim. Kërkesa do shqyrtohet nga gjyqtari Arben Mica, ndërsa akuza përfaqsohet nga prokurorët Marjeta Zaimi dhe Lidina Riza.