Një person 40-vjeçar u gjet i vdekur në qytetin e Durrësit. Rreth orës 19:30, në lagjen nr. 8, Urgjenca e Spitalit njoftoi se në banesën e tij ishte gjetur i pajetë shtetasi A. V.

Nga këqyrja paraprake e trupit, nuk janë konstatuar shenja dhune, dhe për momentin dyshohet se ai ka ndërruar jetë për shkaqe natyrale. Grupi hetimor, nën drejtimin e Prokurorisë, po punon për të përcaktuar saktësisht shkakun e humbjes së jetës.

Kjo ngjarje ndodh në një kontekst shqetësues, pasi ditët e fundit janë shtuar rastet e burrave në moshë të re që humbin jetën papritur, pa lidhje me sëmundje të mëparshme. Një rast i ngjashëm ndodhi vetëm dy ditë më parë, kur ish-deputeti demokrat Gerti Bogdani u gjet i vdekur në tualetin e hotelit Rogner në Tiranë, ku po merrte pjesë në një aktivitet.