Pas një “vale” shkarkimesh nga puna dhe rënie të të ardhurave të kësaj kompanie, edhe presidenti i Amerikës Joe Biden po hedh akuza ndaj Elon Musk duke thënë se ai po përhap gënjeshtra në të gjithë botën.

Edhe pse shkurtimet nga puna u bënë me arsyetimin se i shërben parandalimit të përhapjes së dezinformatave, Biden është i shqetësuar për gjendjen aktuale të kësaj kompanie.

Duke folur në një event, Biden tha: “Dhe tani ajo për të cilën jemi të gjithë të shqetësuar: Elon Musk del dhe blen një biznes që nxjerr gënjeshtra në të gjithë botën… Nuk ka më redaktorë në Amerikë. Nuk ka redaktorë. Si presim që fëmijët të jenë në gjendje të kuptojnë se çfarë është në rrezik?’

Sekretarja e shtypit e Shtëpisë së Bardhë, Karine Jean-Pierre u tha gazetarëve se Biden ishte i qartë për nevojën për të reduktuar gjuhën e urrejtjes dhe dezinformimin.

“Ky besim shtrihet në Tëitter, ai shtrihet në Facebook dhe çdo platformë tjetër të mediave sociale ku përdoruesit mund të keqinformojnë, ” tha ajo.