Një fëmijë 6-muajsh ka mbetur i vetëm për disa minuta në banesë, pasi dera e blinduar u mbyll nga era ndërsa nëna e tij po pastronte. Ngjarja ndodhi në katin e tretë të një pallati shumëkatësh në lagjen “30 Vjetori” në Berat, në banesën e shtetasit Lulëzim Braja.
Nëna, pasi e kuptoi që dera ishte mbyllur dhe fëmija i saj kishte mbetur brenda, njoftoi menjëherë policinë dhe shërbimin zjarrfikës. Efektivët e shërbimit zjarrfikës ndërhynë me sukses, duke hyrë në banesë nga ballkoni me anë të shkallëve të emergjencës, dhe shpëtuan fëmijën.
