Një kometë e re po i afrohet Tokës dhe pritet të jetë e dukshme me sy të lirë për herë të parë në 80 mijë vite. Kjo kometë, e zbuluar në janar të vitit 2023, aktualisht ndodhet 7 unitete astronomike larg nesh, që korrespondon me një distancë prej rreth një miliard kilometra. Ajo është etiketuar si kometë e re, pasi është hera e parë që kalon pranë planetit tonë dhe mendohet se ka origjinën nga mjegullnaja Oort, e cila është konsideruar “djepi” i kometave.

Në dy ditët e ardhshme, kometa C/2023 A3 Tsuchishan-ATLAS pritet të arrijë në Perileo, pika më e afërt me Diellin, e cila është rreth 55 milion kilometra larg. Nëse kometa nuk do të shpërbëhet në afërsi të Diellit, pritet që ajo të afrohet më tej te Toka në fillim të tetorit. Kjo situatë ofron mundësinë që kometa të jetë shumë e dukshme në qiell, dhe do të vazhdojë të dallohet gjithnjë e më pak deri në muajin nëntor.

Shkencëtarët dhe astronomët po ndjekin me kujdes këtë fenomen, dhe çdo vëzhgim mund të kontribuojë në kuptimin tonë të kometave dhe origjinës së tyre në sistemin tonë diellor.