Një 47-vjeçare po merret në pyetje nga autoritetet greke si e përfshirë në vdekjen e një kontabilisti grek.

Mediat greke shkruajnë se 50 vjeçari u gjet i varur mbrëmjen e djeshme në apartamentin e tij në Moschato por ajo që në dukje ngjante vetëvrasje kishte shumë detaje të dyshimta. Kamerat e sigurisë kanë fiksuar një grua e cila kishte mbërritur në banesën e tij pak para se të ndodhte ngjarja. Gruaja ka deklaruar në polici se 50 vjeçari i kishte rreth 200 mijë euro borxh dhe se ata njiheshin prej 10 vitesh.

Sipas informacioneve të ERT-së, të shtunën e kaluar persona që kishin investuar para tek ai kanë shkuar në zyrën e 50-vjeçarit në Kallithea dhe e kanë rrahur. Në vendngjarje është thirrur edhe policia. Mediat përmendin dhe gruan e kontabilistit grek. Sipas tyre nëna e dy fëmijëve, e cila ishte me origjinë shqiptare i kishte marrë të gjitha paratë greku pasi kishte akses në llogaritë e tij bankare. Pasi i kishte marrë paratë, shqiptarja ishte larguar nga apartamenti ku jetonin.

Gruaja u pohoi oficerëve se në takimin e saj të fundit me kontabilistin ai kishte qenë i dëshpëruar pasi nuk kishte ku të gjente paratë e marra borxh nga investitorët.

Gjatë takimit, sipas 47-vjeçares, ka ndodhur një përleshje, gjatë së cilës, siç pretendon ajo, 50-vjeçari ka marrë një kordon dhe ka kërcënuar se do vriste veten.

‘Nuk duroj dot më, do vras veten’-i ka thënë ai gruas. Më pas ajo i kishte tërhequr një karrige pranë duke e nxitur 50 vjeçarin t’i jepte fund jetës së tij.

‘E ndihmova, i shtyva karrigen ‘-tha ajo.

Ajo që po shqyrtohet nga ELAS është nga njëra anë pretendimi i 47-vjeçares se ka pasur mosmarrëveshje financiare dhe nga ana tjetër nëse ka pasur një person të tretë në apartament ne Moschato.