Monika Kryemadhi Zgjedh Bashkëshortin e Saj në Zgjedhjet për President të Partisë

Ish-kryetarja e Partisë së Lirisë, Monika Kryemadhi nuk e ka fshehur votën e saj në zgjedhjet për presidentin e kësaj force politike. Teksa ka shkuar për të votuar, Kryemadhi e ka treguar fletën e votimit, ku bie në sy se ka zgjedhur bashkëshortin e saj, Ilir Metën.

Mesa duket, Kryemadhi e ka pranuar fatin e ri në partinë që ajo prej vitesh ka ndarë me Metën, teksa më herët deklaroi se do t’i përkushtohet prioriteteve të tjera.

“Nuk ka fshehtësi vote mes burrit dhe gruas”, deklaroi Kryemadhi teksa tregoi zgjedhjen e saj.

Sakaq, i pyetur për këtë, Meta tha se Kryemadhi ‘gaboi pasi vota është e fshehtë’.