Berisha tha se Rama nuk po konsideron më as socialistët, teksa u shpreh i gatshëm të shkojë të bisedojë me simpatizantët e PS në organizatat e tyre.

“A pyet sot kjo qeveri, jo për demokratët se ata i konsideron armiq e nuk i pyet fare, por për socialistët e ndershëm. Ua thashë dhe në parlament, e jam gati të shkoj në cdo organizatë të tyre dhe të ulem me ta e të diskutoj me ta, se këto që bën ky janë shumëzim me zero të qytetarëve shqiptarë, u shkatërron fermat kalben prodhimet e ky thotë bujqsia po lulëzon.

Ka shndërruar qeverinë në një makineri të tmerrshme mashtrimi.

Vtëm për rrugën Korcë-Kolonjë në 2018 tha se rruga përfundon vitin e ardhshëm

Dhjetorin që kaloi tha ministrja përfundon në 4 muaj, rruga vijon e shton e shton paratë në xhept e tyre.

Bazojnë gjithcka në mashtrim dhe vjedhje, makineri e tmerreshme vjedhje e qytetarëve”.

Në denoncimin e tij, Berisha theksoi se me ngritjen e bordeve të cmimeve, Rama ka vjedhur qytetarët përmes rritjes së TVSH, mbi 400 milionë euro.

“Me bordet që ka vendosur ka vjedhur nga xhepat e qytetarëve përmes rritjes së tvsh 400 e ca milionë euro. Nafta është 80 euro për fuci sot në treg, më e lirë shumë se sa ishte në fillim të luftës, këtu vijon mbi 2 mijë eca. Të tjerët thonë që ky është aksioner, por 250 mijë tonë naftë futën kotrabandë, me statistika kjo gjë është e sigurtë”, u shpreh Berisha.