Këngëtarja e dashur për publikun shqiptar, Aurela Gaçe, ka ndarë një rrëfim të veçantë për jetën e saj personale, duke folur për dy vajzat dhe bashkëshortin e saj. Në një intervistë për moderatoren Orinda Huta, ajo shprehu emocionet e saj lidhur me përvojat e saj gjatë shtatzënisë, veçanërisht vështirësitë që kaloi gjatë shtatzënisë së dytë. Aurela e përshkroi atë periudhë si një sfidë të vështirë, pasi u detyrua të qëndronte në regjim shtrati për pothuajse shtatë muaj, për shkak të rrezikut të dështimit. Gjatë kësaj kohe, ajo e kishte pranë ndihmën e të shoqit, vjehrrës dhe nënës së saj, të cilët ishin mbështetje të rëndësishme.

Aurela tha se ndjeu frikë të vazhdueshme gjatë gjithë shtatzënisë, sidomos gjatë muajve të regjimit absolut. Ajo theksoi se nëna e saj ishte pranë saj gjatë gjithë kohës dhe se e kishte të nevojshme të flinte në tokë për tre muaj, pasi ajo vetë jetonte në një shtëpi të vogël në atë periudhë.

“Me vajzën e dytë kam pasur rrezik dështimi. Filluan dhimbjet që pesë javëshe. Me Abin kam qenë pothuajse 6 muaj e gjysmë, 7 muaj në regjim shtrati absolut,” shpjegoi Aurela. “Ki parasysh me shumë ilaçe dhe nuk ka të bëjë me moshën, sepse ka vajza 20-vjeçare që humbasin fëmijë, ndonjëherë edhe të lëndojnë. Dukem shumë tip i fortë, por jam njeri, sa më e fortë të dukesh aq më e brishtë je. Sigurisht që më lëndonin, se ndoshta nga mosha, Jo! Ke vajza 20-vjeçare që humbasin fëmijë ose që nuk munden të mbeten shtatzënë.”

Ajo shprehu mendimin se ky perceptim është i gabuar, duke theksuar se nuk është e lehtë të mbash një jetë brenda vetes. “Shtatzënia e Abit e kam kaluar në mënyrë shumë të lodhshme dhe të frikshme; isha gjithmonë në frikë. Mjeku më kishte thënë se mund të ndodhte edhe nëse ti je në regjim shtrati. Kisha mamin non stop gjatë gjithë kohës, kisha vjehrrën. Ne jetonim në një shtëpi të vogël dhe mami për tre muaj është shtrirë në tokë, ka fjetur në tokë deri sa është bërë shtëpia pak më e madhe, sepse nuk kishte vend. Numëroja ditët…”

Ky rrëfim i Aurela Gaçes është një reflektim i sinqertë mbi përjetimet e saj si nënë dhe vështirësitë që përballoi, duke sjellë një mesazh të fortë mbi forcën dhe mbështetjen e familjes në momente të vështira.