Një ngjarje e paprecedentë ndodhi gjatë një dasme në Pirgos, Greqi, ku ceremonia e martesës u shndërrua në një skenë dhune.

Sipas mediave greke, tensionet kanë shpërthyer kur nusja i ka shkelur papritur këmbën dhëndrit gjatë ceremonisë. Dhëndri, i irrituar nga incidenti, ka goditur me shuplakë nusen, e cila ka shkaktuar një përplasje të menjëhershme.

Reagimi i dhëndrit ka nxitur të afërmit e nuses të reagojnë me dhunë ndaj tij. Situata ka degjeneruar shpejt, duke e kthyer ceremoninë në një përleshje të përgjithshme. Dasmorët kanë vrapuar në panik për të dalë nga kisha, ndërsa forcat e Policisë kanë mbërritur në vendngjarje për të ndaluar përleshjen.

Në përfundim të ngjarjes, nusja ka humbur ndjenjat dhe është transportuar në spital për ndihmë mjekësore. Po ashtu, një nga të ftuarit është dërguar gjithashtu në spital pas marrjes së disa goditjeve gjatë përplasjes. Ngjarja ka shkatërruar atë që duhej të ishte dita më e bukur për çiftin, duke e shndërruar atë në një makth të papritur.