Në seancën e sotme plenare të Kuvendit, deputeti i PD-së, Bledion Nallbati, ka reaguar në lidhje me ngjarjen e djegies së karrigeve nga opozita, për të cilën është kërkuar një faturë prej 2 milionë lekësh për shkatërrimin e pasurisë publike. Ai shprehu pakënaqësinë e tij duke thënë se pavarësisht faturës së lartë për veprimin e opozitës, kur ai u kthye në Kuvend, gjeti përsëri karrige të vjetra.

“Po, ato karriget na i faturuat nga dy milionë, s’ka problem, ne që e bëmë atë veprim e marrim përsipër edhe ta shdëmtojmë. Problemi është që edhe kur erdha sot, edhe pse më kanë faturuar 2 milionë, gjata prapë një karrige të vjetër. Edhe këtë e vodhe, edhe këto i vodhe prapë? O mos u ngopshi dhe ju zëntë fytin”, tha Nallbati, duke akuzuar mazhorancën për vjedhjen e parave dhe pasurisë publike.

Fjalët e Nallbatit shpërthyen një akuzë ndaj mazhorancës për menaxhimin e pasurisë së Kuvendit dhe përdorimin e fondeve publike, duke theksuar se edhe pas faturës të lartë të paguar për djegien e karrigeve, nuk ishte bërë asnjë përmirësim në kushtet e sallës së Kuvendit.