Deputeti demokrat Oerd Bylykbashi kërkoi sot që rregullorja e Kuvendit të zbatohet pikë për pikë, në mënyrë që opozita të ketë hapësirën e saj për debat dhe ngritje çështjesh në komisione parlamentare.

Në fjalën e tij në Komisionin për Çështjet Ligjore, Bylykbashi u shpreh se ngushtimi i hapësirës së opozitës është një instrument kontrolli që nuk duhet të transferohet. Ai theksoi rëndësinë e respektimit të rregullores edhe kur diskutohen tema të mëdha si buxheti i institucioneve të drejtësisë.

“Një nga arsyet është që opozita të ketë hapësirën që duhet në parlament. Ajo që po ndodh aktualisht… është ngushtimi i hapësirës së opozitës për debat parlamentar, për instrumente kontrolli, dhe nuk duhet të transferohet në çdo rast nëpër komisione. Kërkoj që në të ardhmen t’i shkojë pikë për pikë dhe nen për nen rregullores për komisionin,” tha Bylykbashi.

Deklarata e tij vjen në një moment kur debati për transparencën dhe barazinë në procesin parlamentar është bërë më i fortë, duke nxjerrë në pah tensionet mes shumicës dhe opozitës për funksionimin e Kuvendit.