Një operacion anti-drogë është zhvilluar ditën e sotme në Vlorë, ku janë sekuestruar mijëra rrënjë kanabis.Droga është zbuluar në një parcelë të mbjellë në mes të misrit në fshatin Bishan në Vlorë dhe dyshohet se janë gjetur rreth 4000 rrënjë kanabis.

Nga operacioni i policisë për asgjësimin e kanabisit në parcelat me misër.
Në pranga ka rënë autori i dyshuar i cili mund të ketë mbjellë lëndën narkotike S.LL. Po ashtu në polici është shoqëruar edhe pronari i tokës.

Ai ka thënë se tokën e kishte dhënë me qira. Aksioni u ndërmor nga policia e Vlorës dhe FNSH ndërsa droga u gjet në misër në proces tharjeje.