Në një operacion të drejtuar nga Drejtoria për Hetimin e Krimeve Ekonomike dhe Korrupsionit, një i dyshuar është kapur në fshatin Shakovicë të Podujevës duke ofruar për shitje 5000 copë monedha të dyshuara si të falsifikuara. Hetuesit kanë gjetur dhe sekuestruar monedhat, kartëmonedha të dyshuara të falsifikuara, si dhe një gamë të konsiderueshme të mallrave të tjera të dyshuara të paligjshme. I dyshuari është dërguar në mbajtje për 48 orë për hetime të mëtejshme.

“Gjatë zbatimit të urdhëresës, në fshatin Shakovicë të Podujevës, i dyshuari A.A., (viti i lindjes 1987, mashkull kosovar), gjatë realizimit të masave të fshehta të hetimit nga hetuesit policorë, ka ofruar për shitje 5000 copë monedha nga 2 euro (5000×2=10000).

I dyshuari këtu monedha synonte t’i shiste për 6 mijë euro.Policia, gjatë kontrollit në veturën e tij, kanë gjetur dhe sekuestruar 5000 x 2 euro monedha, dyshohet të jenë të falsifikuara, 3 kartëmonedha nga 20 euro, dyshohet të jenë të falsifikuara, Vetura e përdorur nga i dyshuari dhe një telefon celular. I dyshuari është intervistuar në prezencën e avokatit mbrojtës të caktuar sipas detyrës zyrtare. Me aktvendim të prokurorit kujdestar, i dyshuari dërgohet në mbajtje për 48 orë”, thuhet në komunikatën e Policisë.