Në orët e para të mëngjesit, Policia e Kosovës ka ndërmarrë një operacion të madh në komunën e Kaçanikut, duke angazhuar njësi të specializuara. Zëdhënësi i Policisë së Kosovës, Baki Kelani, konfirmoi zhvillimin e aksionit dhe theksoi se ai po kryhet në bashkëpunim të ngushtë me organet e drejtësisë.

Burime të Telegrafit bëjnë të ditur se operacioni lidhet me vrasjen e rreshterit Muhamet Lika, i cili u ekzekutua disa kohë më parë. Ky aksion pason një tjetër ndërhyrje të Policisë në të njëjtën komunë disa ditë më parë, ku u arrestuan mbi pesë persona të dyshuar për përfshirje në këtë krim.

Policia ka njoftuar se pas përfundimit të operacionit do të jepen informacione më të detajuara lidhur me rezultatet dhe të arrestuarit.