Një operacion i madh policor është zhvilluar gjatë gjithë natës në qytetet Vlorë, Sarandë dhe Delvinë nga forcat e Drejtorisë së Policisë Vlorë.

Sipas burimeve paraprake, rreth 15 persona janë shoqëruar, të dyshuar për përfshirje në veprimtari kriminale lidhur me “prodhimin dhe shitjen e lëndëve narkotike”. Të ndaluarit janë transportuar me furgonë policie drejt Vlorës, ku po merren në pyetje për të sqaruar rolin e tyre në këtë aktivitet.

Policia ende nuk ka dhënë një deklaratë zyrtare mbi detajet e operacionit, ndërsa pritet që informacione të reja të publikohen në vijim.