Një operacion i koduar “Gold” ka çuar në arrestimin e B. A., një shtetas turk 39 vjeçar, i cili ishte i përfshirë në kontrabandimin e floririt dhe bizhuterive floriri për t’i shitur në Shqipëri.

Shtetasi i arrestuar u kap në flagrancë, ndërsa po transportonte një sasi të konsiderueshme floriri dhe bizhuterish floriri. Gjatë kontrollit në automjetin e tij, që po udhëtonte në rrugën “5 Maji” në Tiranë, policia ka gjetur 455 gramë flori dhe bizhuteri floriri, të cilat dyshohet se ishin kontrabanduar për t’u shitur në tregun shqiptar.

Përveç sendeve me vlerë, policia ka sekuestruar gjithashtu 35,000 euro dhe 16,200 dollarë që iu gjetën shtetasit turk, si dhe automjetin dhe celularin e tij. Gjithashtu, është arrestuar dhe S. B., një shtetas 58 vjeçar nga Vlorë, i cili dyshohet se ka shitur produktet me vlerë për llogari të B. A..