Operacioni që po zhvillohet në Greqi ka goditur një grup kriminal shqiptaro-grek të përfshirë në aktivitete të tilla si gjobvënie, shkatërrim prone me eksploziv dhe zjarr, si dhe tentativë vrasjeje. Drejtuesi i grupit është shqiptari Edmond Përbashaj, i cili është i burgosur në burgun e Diavatas, ku vuajti një dënim prej 20 vjetësh për grabitje me armë. Përbashaj ishte transferuar në këtë burg nga burgu i Stavrakiout në Janinë, pasi ishte zbuluar se ai kishte bashkëpunuar me persona nga jashtë dhe zyrtarë të burgut për shpërndarjen e lëndëve narkotike dhe futjen e parave në burg.

Në një bisedë të zbuluar në korrik, Përbashaj kishte komunikuar me Zv/Drejtorin e Burgut, duke informuar se priste trafikun e 100 kg kokainë. Gjatë operacionit të realizuar atëherë, disa të burgosur kishin vënë flakën dyshekëve në qeli.

Në operacionin e sotëm janë arrestuar 23 persona dhe janë sekuestruar armë, drogë dhe para. Po ashtu, është zbardhur një ngjarje e fillimit të tetorit në Singrou të Athinës, ku dy persona u plagosën, njëri prej të cilëve me armë. Gjithashtu, janë zbardhur shpërthimi me eksploziv në një biznes automjetesh dhe zjarrvënia në një fast-food.