Policia e Shtetit ka finalizuar operacionin policor të koduar “Operacionalja 33”, duke vënë në pranga Klaus Nikollin, 33 vjeç, i cili ishte në kërkim ndërkombëtar. Arrestimi u krye në Laç, ndërsa ai është dënuar nga Gjykata e Milanos për vjedhje të kryer në kuadër të një organizate kriminale.

Sipas Policisë, operacioni u realizua në bashkëpunim me homologët italianë, ndërsa Interpol Tirana po vijon procedurat për ekstradimin e tij drejt Italisë. Gjykata e Milanos i kishte caktuar masën e sigurisë “Arrest në burg” për veprën penale të vjedhjes në rrethana rënduese.

Autoritetet shqiptare dhe italiane po bashkëpunojnë ngushtë për të siguruar përfundimin e procedurave ligjore dhe dorëzimin e të arrestuarit tek drejtësia italiane.