Policia e Korçës ka finalizuar operacionin policor të koduar “Smoking Kills”, duke goditur një rast të kontrabandës së mallrave që paguajnë akcizë.

Në pranga ka rënë një 48-vjeçar nga Tirana, i identifikuar si D. H., i cili u kap në flagrancë duke transportuar 495 steka me cigare pa pullë fiskale, të cilat dyshohet se i kishte kontrabanduar nga Greqia.

Detajet e operacionit

Policia ndaloi automjetin e tij në aksin Pogradec – Qafë Thanë dhe gjatë kontrollit u gjetën qindra steka cigare të futura në Shqipëri pa kryer procedurat e zhdoganimit.
I arrestuari rezulton me precedent penal në fushën e narkotikëve dhe kontrabandës.
Sekuestrohen mallrat e kontrabanduara, automjeti dhe dy celularë.

Ndaj 48-vjeçarit rëndojnë akuzat për kontrabandë dhe tregtim të mallrave të paligjshme, ndërsa materialet hetimore i kanë kaluar Prokurorisë së Korçës për veprime të mëtejshme.