Organizata Botërore e Shëndetësisë paralajmëron se të gjitha vendet duhet të përgatiten për rritje të mundshme të infektimeve me Covid-19.

“Thë Guardian” shkruan të premten se Drejtori rajonal i OBSH-së, Dr Takeshi Kasai, thotë se shpërndarja gjeografike e variantit të ri Omicron “ka shumë shanse të jetë më e madhe se sa raportohet aktualisht”.

Por Dr Kasai shton se tashmë janë nxjerrë mësime nga përhapja dhe shpërndarja e variantit Delta.

Dr Babatunde Olowokure, drejtor rajonal i Urgjencave në OBSH, thotë se ndalimet e përgjithshme të udhëtimit mund të vonojnë vetëm hyrjen e mutacionit në vendet që vendosin këto masa.

Ai thotë se OBSH po punon me një “numër të madh” institucionesh kërkimore për të studiuar Omicron, por deri më sot ata nuk kanë marrë asnjë informacion për të sugjeruar nevojën për të ndryshuar qasjen ndaj pandemisë, në rregullat e miratuara nga vendet deri më tani.