Anija ORIKU P-132 e Forcës Detare të Shqipërisë zhvilloi një stërvitje të përbashkët me anijet e Taskunit 01 të SNMG2 në ujërat e Detit Egje. Stërvitja kishte për qëllim forcimin e veprimeve të përbashkëta detare dhe përgatitjen e efektivëve sipas standardeve të NATO-s.

Në këtë stërvitje morën pjesë anijet FGS PLANET A1437, HS KALYPSO M64, TCG KARABIGA P1205 dhe ORIKU P-132. Ky bashkëpunim i rëndësishëm nënvizon angazhimin e Shqipërisë për të përmbushur detyrimet si aleate e NATO-s, duke kontribuar në sigurinë dhe stabilitetin e rajonit përmes forcimit të bashkëpunimit detar.