Pas përfundimit të fejesës me futbollistin Eros Grezda, modelja e njohur Oriola Marashi duket se ka gjetur sërish dashurinë. Ajo ka ndarë një foto në InstaStory, duke konfirmuar se është në një lidhje të re, megjithatë identiteti i partnerit të saj mbetet i panjohur.

Në foton e postuar, Oriola shfaqet në ashensor krah partnerit, dhe të dy duket se janë duke shijuar një darkë romantike së bashku. Një detaj i veçantë është se çifti ka zgjedhur të veshin veshje në ngjyrat e njëjta, duke krijuar një pamje të sinkronizuar.

Ndërkohë, informacionet mbi mashkullin që i ka marrë zemrën modeles mbeten të pakta, duke lënë hapësirë për spekulime dhe kuriozitet në rrjetet sociale. Marashi kishte pasur një lidhje të gjatë me Grezdën, por tani duket se është gati për një fillim të ri në jetën e saj personale.