Bujar Osmani, kandidati për president i Maqedonisë së Veriut nga “Frontit Evropian”, ka shpallur se ata kanë siguruar fitoren me mbi 40 mijë vota mbi kundërkandidatin Arben Taravari. Ai shënoi vendet ku kanë fituar, duke përfshirë Tetovën, dhe tha se kjo fitore dëshmon rritjen e Frontit në një lokomotivë për Evropën. Osmani falënderoi të gjitha partitë dhe liderët e tyre, duke theksuar se vota e sotme është detyrimi, amaneti dhe besimi i tyre. Ai po ashtu iu drejtua Taravarit, duke thënë se duhet të pranohet humbja.
“Fitore në Saraj, fitore në Manastir, në Veles, fitore e thellë në Kërçovë, fitore në Kaprosh, dhe pritni pak, fitore në Gostivar.
Gjithnjë në republikë, fitore e thellë e në republikën. Urime të gjithëve ju faleminderit nga thellësia e zemrës për besimin që me keni dhënë mua dhe Frontit. Kjo fitore dëshmon se Fronti po ngritët në një lokomotivë për Evropën”, tha Osmani.
Osmani ka falënderuar të gjitha partitë dhe liderët e tyre.
“Vota juaj sot është detyrimi ynë, amaneti ynë, besa jonë dhe ju premtoj se do të jetë pjesë e të ardhmes së ndritur të vendit tonë. Sot shqiptarët, turqit, boshnjakët, romët, treguan se ata vetëvendosin për fatin e tyre. Ne ju japim fjalën se ata askush nuk mund më të vendos për fatin e tyre. Vullneti është i qartë”, tha Osmani.
Ai më pas iu drejtua edhe Arben Taravarit, pavarësisht goditjeve të ulëta, tha Osmani, dhe se duhet të pranohet kjo humbje.
