Në një ceremoni madhështore të zhvilluar mbrëmjen e sotme, futbollisti francez Ousmane Dembélé u shpall fitues i Topit të Artë 2025. Në të njëjtën natë, mes yjeve të futbollit botëror, Aitana Bonmati u shpall fituese për të tretin vit radhazi i Topit të Artë për femra.
Çmimet e tjera të ceremonisë përfshinë:
• PSG u shpall Klubi i Vitit për meshkuj, ndërsa Arsenal mori të njëjtin çmim për femra.
• Viktor Gyokeres dhe Ewa Pajor fituan trofeun “Gerd Muller” si sulmuesit më të mirë në meshkuj dhe femra.
• Gianluigi Donnarumma dhe Hannah Hampton morën “Yachine Trophy” për portierët më të mirë.
• Trajneri i PSG, Luis Enrique, dhe trajnerja e Anglisë, Sarina Wiegman, u shpallën fitues të trofeut “Johan Cruyff” për meshkuj dhe femra.
• Çmimi “Kopa Trophy” shkoi për Vicky Lopez te femrat dhe Lamine Yamal për meshkuj, ky i fundit për të dytin vit radhazi.
Ceremonia gala nisi rreth orës 21:00, duke shënuar një nga netët më të mëdha të futbollit botëror, ku yjet e fushës u nderuan për arritjet e tyre individuale dhe ekipore.
