Momente paniku kanë përjetuar pasagjerët dhe anëtarët e ekuipazhit të një avioni në Rusi, ku gjatë nisjes u hap dera e prapme.

Sipas raportimeve të mediave të huaja, shumica e pasagjerëve humbën bagazhet e tyre të cilat ranë nga avioni në momentin kur u hap dera.

Deri më tani, raportimet tregojnë se e gjithë ngjarja ishte aksidentale. Fatmirësisht, asnjë prej pasagjerëve dhe anëtarëve të ekuipazhit nuk u lënduan.

Daily Mail ka publikuar një video të regjistruar nga një prej pasagjerëve, teksa shihet momenti që është hapur dera. Rryma e fortë dhe vakumi që krijon hapja e derës, u ka marrë pasagjerëve bagazhet por edhe kapelet që mbanin në kokë.