Një incident ka tronditur mbrëmjen e së martës pedonalen e qytetit të Shkodrës, kur një ngrohëse gazi shpërtheu papritur brenda një lokali.

Ngjarja shkaktoi panik tek klientët dhe kalimtarët e rastit, por fatmirësisht nuk ka të lënduar. Zjarri shkaktoi vetëm dëme materiale, ndërsa flakët u neutralizuan shpejt nga zjarrfikësit dhe nuk përshkallëzuan situatën.

Autoritetet lokale po vijojnë verifikimet për të përcaktuar shkaqet e shpërthimit.