Sekretari i Përgjithshëm i Partisë së Lirisë, Tedi Blushi, kritikoi sot në Kuvend rritjen simbolike të pensioneve, duke e quajtur “tallje” për pensionistët, të cilëve u jepet vetëm 60 lekë më shumë në ditë.

Ai i bëri thirrje deputetëve të mazhorancës që të kenë guxim dhe t’i thonë “boll” kryeministrit Edi Rama, duke përmendur edhe deputeten Zegjine Çaushi. “Nuk pres që e mençura Zegjine të ketë eksperiencën e Dritëro Agollit, por si nuk doli një burrë nga ju t’i thotë ndal kësaj qeverie?” tha Blushi.

Për këtë, Çaushi i përgjigj me ironi: “I dashur Tedi, për ty nuk kam asnjë koment, sepse atë koment që do të kisha do t’ia jepja atij personi që nuk është këtu. Po të ishte këtu, do t’i jepja përgjigjen vetë.”

Konflikti mes tyre nxiti vëmendjen e mediave për mënyrën e debatit dhe tonin e ashpër të seancës.