Presidentja e Kosovës, Vjosa Osmani, ka folur për takimin e saj me Papën Leonin XIV, duke theksuar rëndësinë e këtij viziti për marrëdhëniet ndërkombëtare të Kosovës.

Osmani u shpreh optimiste se më në fund do të merret vendimi për njohjen e Kosovës nga Vatikani:
“Sapo përfundova një takim shumë përmbajtjesor me Papa Leonin XIV. Pastaj kishim takime edhe me kardinalin Parolin, sekretarin e shtetit dhe punë të jashtme, Gallagher. Kjo ishte një ditë jashtëzakonisht e rëndësishme mes relacioneve të Kosovës dhe Vatikanit,” tha ajo.

Presidentja shtoi gjithashtu:
“Në takim me Shenjtërinë e Tij, Papa Leonin XIV, paraqita shpresën dhe besimin e popullit të Kosovës që Vatikani do të marrë vendimin e shumëpritur që ta njehë Republikën e Kosovës… që të njehë vuajtjen e gjatë të popullit të Kosovës për të jetuar i lirë dhe i pavarur dhe në demokraci.”

Vizita e Osmani në Vatikan konsiderohet një hap i rëndësishëm drejt konsolidimit të njohjes ndërkombëtare të shtetit të Kosovës.