Sot, më 16 janar 2025, Shqipëria do të përjetojë mot kryesisht të kthjellët me intervale të gjata me diell në shumicën e territorit. Vranësira të lehta priten vetëm në zonat e thella malore. Gjatë pasdites, vranësirat do të shtohen gradualisht, veçanërisht në skajin jugor dhe juglindor, ku mund të gjenerojnë reshje të pakta dhe të izoluara dëbore. Në pjesën më të madhe të vendit, do të dominojnë kthjellimet dhe vranësirat e shpeshta, por pa reshje.
ALBEU.COM

Temperaturat e ajrit do të pësojnë një rritje të lehtë, duke variuar nga -5°C në orët e mëngjesit deri në 13°C gjatë mesditës. Era do të fryjë e lehtë deri mesatare nga drejtimi verior-verilindor, me shpejtësi deri në 45 km/h, duke shkaktuar dallgëzim deri në 3 ballë në brigjet detare.