Shërbimi Meteorologjik Ushtarak bëri të ditur se për ditën e enjte vendi ynë do të vijojë të ndikohet nga kushte atmosferike të qëndrueshme si rezultat i masave ajrore të ftohta dhe të thata me origjinë veriore.

Moti parashikohet i kthjellët si dhe alternime vranësirash kalimtare të cilat në pjesën e dytë të ditës hera-herës do të jenë deri të dendura. Mjegull / mjegullinë në orët e mëngjesit në zonat luginore. Ngrica përgjatë akseve rrugore në relievet malore.

Era do të fryjë me drejtim verilindje-veriperëndim me shpejtësi mesatare 1-4m/sek, ndërsa në bregdet hera-herës fiton shpejtësi deri 6m/s shoqëruar me valëzim në dete të forcës 1 ballë.