Policia e Fierit ka shpallur një operacion të suksesshëm gjatë patrullimeve mbrëmjen e djeshme, duke kapur dy vëllezër të dyshuar për tentativë vjedhje në një biznes në lagjen “Apollonia”.
Arteus Muhaj, 28 vjeç, dhe Besnik Muhaj, 25 vjeç, të dy banues në Fier, janë kapur dhe vënë në pranga gjatë ndërhyrjes së menjëhershme të policisë. Ata akuzohen për tentativë vjedhje dhe janë zbuluar me mjetet (levë dhe kaçavidë) që po përdornin për të thyer derën e biznesit.
Hetimet vazhdojnë për të zbardhur nëse këta dy shtetas kanë kryer vjedhje të tjera. Materialet procedurale janë dërguar tek Prokuroria pranë Gjykatës së Shkallës së Parë të Juridiksionit të Përgjithshëm Fier për veprime të mëtejshme.
“U kapën në flagrancë, në tentativë për të vjedhur në një biznes, arrestohen 2 vëllezër (me precedentë të theksuar në këtë fushë). Sekuestrohen leva dhe kaçavida që do t’i shërbenin vjedhjes me thyerje.
Gjatë patrullimeve 24/7, në të gjithë territorin e qarkut, me qëllimin madhor garantimin e rendit dhe sigurisë publike, shërbimet e Patrullës së Përgjjthshme të Komisatiatit të Policisë Fier, mbrëmjen e djeshme, kanë konstatuar 2 shtetas që po tentonin të vidhnin me thyerje, në një biznes në lagjen “Apollonia”.
Si rezultat i ndërhyrjes së menjëhershme, janë kapur dhe vënë në pranga këta 2 shtetas, konkretisht: A. M., 28 vjeç dhe B. M., 25 vjeç, vëllezër, të dy banues në Fier, si dhe janë sekuestruar në cilësinë e provës materiale, mjetet (levë dhe kaçavidë) që po përdornin ata, për të thyer derën e biznesit.
Vijojnë hetimet për të zbardhur vjedhje të tjera që mund të kenë kryer këta shtetas. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.”
