Moti parashikohet kryesisht me kthjellime por edhe alternime vranësirash mesatare deri të dendura. Vranësirat do të shoqërohen me reshje shiu me intensitet të ulët, lokalisht mesatar në formën e shtrëngatave afatshkurtra. Në zonën e Alpeve reshje bore të dobta.

Era do të fryjë me drejtim juglindje – jugperëndim me shpejtësi mesatare 1- 8m/sek, ndërsa përgjatë vijës bregdetare dhe lugina era në pjesën e dytë të ditës fiton shpejtesi deri 10-12m/sek, duke u shoqëruar me valëzim në dete të forcës 2-3 ballë.