Masat ajrore me origjinë nga Jugu i Mesdheut do të diktojnë kushtet atmosferike edhe në vendin tonë. Për pasojë: dita do të paraqitet me mot të kthjellët dhe rritje të ndjeshme të temperaturave të ajrit kryesisht gjatë orëve të mesditës.

Vetëm në zonat juglindore dhe verilindore herë pas herë do ketë vranësira por pa mundur të gjenerojnë shira.

Sipas Meteoalb, sot temperaturat do të kenë një rritje të ndjeshme, ku do të variojnë: në zonat malore, nga 09°C në 21°C, në zonat e ulëta nga 16ºC në 28°C dhe në zonat bregdetare nga 18°C në 30°C.

Era do të jetë në drejtim Jugor-Jugperëndimor ndërsa forca e valëzimit në det do të jetë mbi 3-4 ballë.