Kthjellime dhe temperatura të larta vijojnë të dominojnë në të gjithë Republikën e Shqipërisë gjatë paradites.

Parashikohet që pasditja të lërë me kthjellime bregdetin dhe zonat e ulëta, por vranësira të lehta do të shfaqen në zonat përgjatë kufirit lindor.

Sipas Meteoalb, sot temperaturat do të kenë një rënie me 1 gradë ku do të variojnë: në zonat malore, nga 17°C në 34°C, në zonat e ulëta nga 23°C në 41°C dhe në zonat bregdetare nga 26°C në 42°C.

Era do fryjë mesatare dhe e fortë me shpejtësi deri 45 km/h, nga drejtimi Jugperëndimor ndërsa në det të hapur krijohet dallgëzim mbi 3 ballë.